Promé

Un lugá ku ningun hende ta wak dos biaha. Un kancha di tènis ku a pèrdè su koló, un bòrchi di basketbal kontra e muraya patras, un strepi di pinta bèrdè ku a ranka kaba hopi tempu. Tur pintura di muraya ta kuminsá asina: komo un muraya ku bo no ta mira. Riba e muraya aki Francis Sling a pinta For the Love of God for di 2024 te 2026, su pintura di muraya mas grandi te awor, rònt di e kancha di deporte na Landhuis Rondeklip, Kòrsou. E obra ta trata di e momento ku amor a krea tur kos, i pesei e ta kuminsá aki, ku kasi nada. Wak e bòrchi di basketbal. Nunka nan no a kit'é. Riba e muraya kla e ta einan ainda, meimei di e flornan.